Post by Bilal Hussein

أهلاً 👋 حابب البوست دا يكون عن الذكاء الاصطناعي. وصدقني مش جاي أقولك إن الـ AI حاجة خارقة والإنتاجية بقت في السماء ومش جاي أقولك إنه كذبة اخترعها الغرب تعالى نبدأ يوم قبل Claude Code و Codex زمان يومك كمهندس برمجيات كان بيبدأ إن حد يطلب منك Feature جديدة، أو الـ Team Lead يحددلك وقت معين تخلص فيه التاسك. بعدها تبدأ تبني السيستم من أول: Architecture System Design Tech Stack وأخيرًا الكود حلو الكلام؟ حلو. لحد ما ظهر الذكاء الاصطناعي وحصلت كل الحاجات اللي أنت شايفها دلوقتي. طيب إيه الإيجابيات؟ مبدئيًا، فعلًا الإنتاجية زادت وقدرتك على توفير وقت في كتابة الكود زادت وحرفيًا في حاجات كانت بتاخد شهور، بقت بتتعمل في أيام. تعالى بقا للجانب المظلم ونجاوب على شوية أسئلة سريعة. هل الـ AI هيقضي على Software Engineering؟ لحد دلوقتي: لا. إمتى ممكن يحصل؟ لما يطلع Model يقدر يعمل Architecture صح، ويعمل System Design صح، ويختار Tech Stack مناسب، وينفذ المشروع، ويطلع كود نضيف، ويبني System ضخم بنفس جودة مهندس البرمجيات. والأهم بسعر أقلللل وحط تحت "بسعر أقل" مليون خط لأن دي أهم نقطة أصلًا وساعتها تقدر تقول إنك تم استبدالك. ومتقلقش، لو وصلنا للمرحلة دي فغالبًا مش Software Engineering بس اللي هيتأثر. أغلب الوظائف فا حرفيا السؤال هيبقا ازاي نعمل shift career. هل السوق بقى أصعب؟ أيوة. خصوصًا على الـ Juniors لأن جزء كبير من الكود بقى الـ AI يكتبه وكمان بقا صعب لأن AI بقى تريند. فكل شوية هتسمع شركة سرحت موظفين شركة قللت التوظيف شركة اعتمدت على AI. لكن غالبًا الفقاعة دي هتهدى مع الوقت وهنرجع لنفس النقطة "محتاجين مهندسين." وده غير إنك أصلًا مضطر تتعلم الأدوات دي مش عشان تستبدلك لكن عشان تعرف تطلع منها أحسن نتيجة بأقل تكلفة وأعلى جودة الجانب المظلم داخل الشركات للأسف، شركات كتير بقى عندها Project Manager أو CEO او صاحب شركة مش فاهم المجال لكن عاجبه التريند. فتلاقيه بيقولك "المشروع ده يخلص في اسبوع وهو محتاج شهور." هتقولي "مش المفروض الـ AI يخلينا نطلع مشاريع دي أسرع؟" هقولك اه ولا لأن المشكلة عمرها ما كانت في الكود وعمرها ما كانت كتابة الكود. المشكلة كانت دائمًا في Architecture System Design Performance Security Scalability كل دي قرارت محتاجين نفكر فيها لكن بسبب فكرة إننا لازم Ship Faster ونطلع المنتج بسرعة. بقينا بنشوف أنظمة بتتبني بسرعة جدًا لكن بجودة سيئة ومشاكل تقنية ضخمة وكود محدش قادر يفهمه. هتقولي "طيب أنا هعمل كل ده صح وهطلع الشغل النضيف." ببساطة هقولك أنت معندكش وقت. لأن انت عايز تسلم المشروع بعد يومين 🙂 فإما هتشتغل Over Time أو الحل السحري الجديد "شغل 9 Agents." طيب والتكلفة؟ لو الـ AI مش هيستبدلنا يبقى أنا كشركة هدفع مرتبات للموظفين وكمان اشتراكات AI؟ الإجابة أيوة لأنك عايز Ship Faster لكن في نفس الوقت الـ AI مش مجاني وفي الآخر بنرجع لنفس النقطة لازم يبقى فيه توازن بين أدوات الذكاء الاصطناعي وبين مهندس البرمجيات المشكلة في ان أصحاب الشركات اللي مش فاهمين المجال، لكن بيحاولوا يديروا قرارات تقنية كبيرة تلاقيه يقولك "إحنا هنعمل Vibe Coding." عشان يطلع منتج بسرعة لكن بجودة سيئة. ومش علشان عملت Clone لفيسبوك باستخدام Prompt على Claude بقيت مهندس برمجيات. صدقني المشكلة مش كتابة الكود وفي ناس هتقول مش لازم نبني Architecture خيالي وصح نطلع السوق وبعدين يحلها ربنا هقولك ماهو مش هتعرف تعدل فيه لان structure نفسه غلط فا الاجابة هي التوازن 😃