Post by Basmala Medhat
Art Director | Creative Direction, Design & Brand Marketing Strategy . Lead creative direction, design systems, and marketing campaigns that make brands seen, felt, and lived.
بشارك تجربة حصلت من شهرين.. لكن تأثيرها بكتشفه كل يوم لحد النهاردة❗️ من حوالي شهرين أخدت course عن الذكاء العاطفي في Creativa Hub Alexandria دخلته وأنا متوقعة أتعلم skills جديدة تساعدني في الحياة الشخصية والحياة العملية. وخرجت منه بأسئلة عن نفسي ماكنتش سألتها قبل كدا !! وأكتر سؤال استوقفني كان: "إيه القيمة اللي بتحركك في الشغل؟" بعد تفكير طويل، كانت إجابتي: ✨️ ترك أثر وتغيير حقيقي في الناس ✨️ ولأول مرة فهمت ليه دايمًا بنجذب للفرص اللي فيها تواصل، أو مُشاركة معرفة، أو مساحة أساعد فيها حد يفهم حاجة بشكل مختلف، أو يغيّر رأيه في مجال مُعين . فهمت ليه ببقى مُتحمسة أكتر لمّا فكرة توصل لشخص، أو لما معلومة تساعد حد، أكتر من مجرد إن المهمة نفسها تخلص. الـcourse خلاني أُدرك إن فيه فرق بين إنك تنجز شغل... وإنك تسيب أثر. لأن الشغل في النهاية بيخلص المشروع بيخلص المنصب بيتغير لكن فكرة وصلت لشخص، أو منظور اتغيّر، أو معرفة انتقلت... دي الحاجات اللي بتفضل. ومن أكتر الحاجات اللي ساعدتني أفهم دا في الـ course: - استكشاف قيم العمل - عجلة المشاعر - الـ Enneagram - الـ MBTI (واكتشفت إني ENFJ-A 👀) - والذكاء العاطفي في بيئة العمل بعد شهرين، أقدر أقول إن أكتر حاجة خرجت بيها من الـ course مش معلومة جديدة... لكن فهم أوضح لنفسي. والحقيقة إن التجربة ما كانتش هتكون بنفس التأثير لولا الأشخاص اللي كانوا جزء منها. ومن الناس اللي أثرت فيا بشكل كبير خلال الرحلة دي هما Mohamed Alaa و Eman Essam Eldien ❤️ مش بس لأنّهم كانوا بيقدموا محتوى أو أنشطة... لكن لأنّهم خلقوا مساحة آمنة للأسئلة، والتفكير، واكتشاف النفس بدون أحكام. أحيانًا الشخص اللي بيساعدك تلاقي إجابة لسؤال جوّاك، بيكون تأثيره أكبر بكتير من الشخص اللي بيديك معلومة. وده بالضبط الأثر اللي سابوه عندي. فشكرًا ليهم على الوقت، والمجهود، والطاقة اللي حطوها في التجربة دي، واللي تأثيرها لسه مستمر معايا لحد النهارده 🙏🏻 وشكرًا لكل الناس اللي شاركتني الرحلة دي. كل حوار، وكل تجربة، وكل وجهة نظر مختلفة أضافت حاجة حقيقية للتجربة، وساهمت في الأثر اللي فضل معايا بعدها ❤️. في النهاية، الإنجازات بتتحط في الـ CV... أما الأثر، فبيتكتب في حياة الناس. ✨ 💭 إيه القيمة اللي بتحركك في شغلك حتى لو مكنتش مُدركها بشكل كامل ؟ #EmotionalIntelligence #SelfAwareness #Workvalues #PersonalGrowth
