Post by AYA SOMPO Insurance

၂၀၂၀ ခုနှစ် Myanmar National League တွင် ဝင်ရောက်ယှဥ်ပြိုင်မည့် ပြည်တွင်းကလပ်အသင်းတစ်ခု ဖြစ်သော ဧရာဝတီယူနိုက်တက်ဘောလုံးအသင်းအား AYA SOMPO Insurance မှ Main Sponsor အဖြစ် ကူညီ ပံ့ပိုးပေးရန်အတွက် Sponsorship အခမ်းအနားကို ၂၀၂၀ ခုနှစ် ၊ ဇန်နဝါရီလ ၊ ၂၈ ရက် နေ့တွင် Novotel Hotel Yangon Max တွင် ကျင်းပခဲ့ပြီး မြန်မာနိုင်ငံဘောလုံးအဖွဲ့ချုပ်မှ တာဝန်ရှိသူများ ၊ မြန်မာနေရှင်နယ်လိဂ်မှ CEO ဦးစိုးမိုးကျော်နှင့် တာဝန်ရှိသူများ၊ AYA SOMPO အာမခံမှ CEO ဦးမျိုးမင်းသူနှင့် တာဝန်ရှိသူများ၊ Media အသီးသီးတို့မှတက်ရောက်ခဲ့ကြပါသည်။ အခမ်းအနားတွင် ဧရာဝတီယူနိုက်တက်အသင်း၏ ဥက္ကဋ္ဌ ဦးမင်းလှိုင်မှ အဖွင့်အမှာစကားပြောကြားခဲ့ပြီးနောက် စပွန်ဆာကုမ္ပဏီများနှင့်လက်မှတ်ရေးထိုးခြင်း၊ အမှတ်တရလက်ဆောင်များပေးအပ်ခြင်း၊ ဂုဏ်ပြုဆုတံဆိပ် ပေးအပ်ခြင်းများပြုလုပ်ခဲ့ကြပါတယ်။ AYA SOMPO Insurance ၏ CEO ဖြစ်သူ ဦးမျိုးမင်းသူမှ “ကျွန်တော်တို့ AYA SOMPO Insurance အနေဖြင့် မြန်မာနိုင်ငံရဲ့ လူမှု‌ရေး၊ စီးပွား‌ရေးဖွံ့ဖြိုးတိုးတက်စေရန်အပြင် ကျန်းမာပျော်ရွှင်သော လူနေမှုဘ၀များ ပိုင်ဆိုင်စေလိုသော ရည်ရွယ်ချက်များဖြင့် အဓိကထားလုပ်ဆောင်သွားမှာဖြစ်ပြီးတော့ မြန်မာ့အားကစားဖွံ့ဖြိုးတိုး တက်စေရေးအတွက် ဘောလုံးအားကစားရဲ့ အခန်းကဏ္ဍကိုမြှင့်တင်နိုင်စေရန်နဲ့ အားကစားလိုက်စားသော လူငယ်တွေအတွက် ပံ့ပိုးပေးခြင်းအားဖြင့် အနာဂတ်တွင် မြန်မာ့ဂုဏ်ဆောင်လူငယ်အားကစားသမားများ ပေါ်ထွက်လာစေရန်အတွက်လည်း ပါ၀င်ကူညီလုပ်ဆောင်ပေးသွားမည်ဖြစ်ပါကြောင်း” ပြောကြားခဲ့ပါသည်။