Post by Mohcine ASSMOUNY

كيفاش يمكن لل HR يحول تظلم ديال عامل من نقطة توتر لفرصة لبناء الثقة؟ فالقطاع الصناعي، فاش كيجيك عامل وهو مقلق أو حاس بالظلم (سواء على حساب شي مشكل، السوايع أو المعاملة....)، الطريقة باش كتسمع ليه هي اللي كتحكم على المناخ الاجتماعي (Climat social) ديال الشركة كاملة. التعامل الذكي مع هاد الحالات كيتلخص ف 3 خطوات أساسية: 1- الإنصات النشط: خلي الموظف يفرغ الشحنة الغضب اللي عنده كاملة بلا ما تقاطعه أو تاخد موقف دفاعي. 2- التحقيق المحايد: جمع المعطيات من جميع الأطراف (المشرف، العامل، والاوراق) بناءً على مدونة الشغل والقانون الداخلي للشركة.   3- التواصل الشفاف والإنصاف: إلا كان العامل عندو الحق: الاعتراف بالخطأ وتصحيحه فوراً (بحال تصحيح غلط فالصالير أو الـ Pointage، أو إنصافو من شطط ديال مشرف) كيبين قوة ومصداقية الإدارة وكيطلع الولاء. وإلا كان الجواب ماشي فالصالح ديالو: فاش كتشرح ليه "علاش" وبطريقة قانونية ومحترمة، كيمشي وهو راضي كيتهدن وكيطفا هاداك الغضب ديالو. هاد العملية ديال "التهدئة" وحل المشكل باش الإنتاج يبقى غادي والجو يبقى صافي. إحباط النزاعات فالبداية ديالها هو اللي كينقص من المشاكل النقابية وكيحافظ على استمرارية الإنتاج وبناء بيئة عمل صحية. فنظركم، شكون اللي كيتحمل المسؤولية الأكبر فخفض هاد النزاعات؟ واش التكوين المستمر للمشرفين (Superviseurs) أولا الحضور الدائم لل HR ف Terrain؟   #RessourcesHumaines #Management #Maroc