Post by Ashraf Hussien

الحقيقة مكنتش متخيل إن سنة واحدة ممكن تسيب كل الأثر ده. مع نهاية أول سيزون لـ EELU Aswan Student Branch، بقيت مقتنع إن التجربة دي كانت من أحسن الحاجات اللي حصلتلي في الكلية. مش مجرد نشاط طلابي، لكنها كانت رحلة اتعلمت فيها كتير وعرفت ناس هفضل فاكرهم. في البداية كنت فاكر إنها مجرد Activity زي أي حاجة، لكن مع الوقت اكتشفت إنها كانت تجربة مختلفة تمامًا. اتعلمت منها حاجات كتير، واتعرفت على ناس محترمة، وعشت مواقف هفضل فاكرها. تشرفت إني أكون Head of Network Track، وكانت من أحسن الحاجات بالنسبالي إني أشرح وأشارك أي معلومة أعرفها. مفيش إحساس أحسن من إن حد يقولك إنه فهم منك أو إنك ساعدته في حاجة، والإحساس ده كان أكبر مكسب بالنسبة ليا. بعيدًا عن الجانب التيكنيكال ، أنا شخصيًا استفدت جدًا على المستوى الشخصي. اتعلمت يعني إيه شغل Team، وإزاي نتحمل مسؤولية، وإزاي نعدي أي مشكلة وإحنا واقفين جنب بعض وكل واحد يشارك فكرته. أكيد الطريق مكانش سهل، خصوصًا إنه أول سيزون، وكان فيه تحديات كتير، لكن كل واحد في التيم كان بيبذل اللي يقدر عليه علشان البرانش يطلع بأفضل صورة. وحابب أشكر المهندس Abdelrahman Mahmoud على دعمه ومجهوده الكبير معانا، والدكتور Mohamed Mahmoud على تشجيعه وثقته فينا من أول يوم حقيقي ربنا يباركلهم ويجازيهم كل خير علي كل التعب اللي تعبوه معانا. وشكر كبير جدًا جدًا جدًا لـ Mayar Ramadan ، صاحبة الفكرة واكتر حد تعب علشان نشوف البرانش بالشكل الجميل ده وحقيقي من اشطر الناس اللي اتعاملت معاها. حابب اشكر بردو بشمهندس Mostafa Tag و دكتور Fatma Hany علي تعبهم معانا طول السيزون. وطبعًا شكر لكل أعضاء التيم، لأن أي نجاح حصل كان بتعب كل واحد فيكم Mazen Ahmed Mohammed khaled Lames Ahmed Razan Alkholy Ahmed Mostafa Ebrahim Hassan Omar Esam Mohamed Hanafy Mahmoud Ayman Rawan Ahmed Shahd Kamal Bassant Hussaen Agya Romany سعيد جدًا إني اشتغلت معاكم وفخور اني كنت جزء من الكوميونيتي اللطيف ده، وأتمنى أشوف كل واحد فيكم في مكان يستحقه ويليق بيه وبس... كانت سنة جميلة بكل اللي فيها، وربنا يوفق الجميع في اللي جاي❤️❤️ #EELU #EELU_Aswan #EELUAswanStudentBranch #StudentBranch #Network