Post by Amr Redallah

بوست مش للاحباط ولكن للواقعية وفهم كذبة العظماء دول وكمان لازم نفهم ان التطوير بقى مهم مش علشان تبقى عظيم التطوير بقى مطلوب علشان تعرف تواكب وتعيش كتير في المحاضرات او الجمل التحفيزية بنقول انك لسه مش متأخر وبناخد مثال للاعظماء المرفقين بس تعالي نعرف دول اتولدوا امتى Sam Walton 1918 Adi dassler 1900 Leo Goodwin 1886 Gordon bowker 1934 Joseph Campbell 1904 Charles flint 1850 Harland sanders 1890 Henry j. Kaiser 1882 ده معناه ايه ١. انهم كلهم مواليد حقبة زمنية واحدة اللي هي بين الثورة الصناعية الأولى والتانية ٢. وكان متوسط سكان العالم وقتها مليار وكسر اللي هو اقل من متوسط سكان الصين دلوقتي ٣. وكان معدل الأمية في العالم فوق ال ٧٠ المية وكانت معايير الأمية وقتها غير دلوقتي و معايير العلم والتعلم زمان غير دلوقتي نظرا للثورة الرقمية اللي هي الثورة الصناعية التالتة وكمان نظرا للثورة الصناعية الرابعة اللي هي الذكاء الاصطناعي ٤. كانوا الحقبة اللي بين بعد الحرب العالمية الأولى وعاشوا الحرب العالمية التانية اللي هو الناس كانت مش مهتمة غير بالأكل والشرب وكمان مكنوش بيخلفوا علشان خايفين من المستقبل عايز تقول ايه؟ بدون جعلظة ان العظماء دول كانوا في وقت غير وقتنا وهما لو موجودين في ظروفنا دي كانوا زمانهم واقفين أمن في مترو الإنفاق وان كل واحد فيكم ناجح في شغله وحياته وفي دراسته وبيعافر ده العظيم فعلا وان كل واحد ناجح دلوقتي لو ظروفه كانت ظروفهم كان بقى احسن منهم ومننساش ان ظروفنا احسن طبعا في أن العلم بقى متاح للجميع ومجاني زي الانترنت بس اكيد في نسبة كبيرة مش صغيرة موجودة حاليا أعظم من دول كمان في حاجة اسمها ability دي الإنسان مخلوق بيها او نتيجة لتراكمات التجارب حياتية والنشأة ودي موجودة عندنا زي عندهم بس استغلالها في زمن مكنش فيه منافسة زي دلوقتي سهل تظهر طب فين التحفيز انك لو متطورتش مش هتعرف تعيش التطوير مطلوب مش علشان تبقى عظيم لا التطوير أصبح مطلوب علشان تعرف تواكب التطور من حواليك وتعرف تعيش وتاكل عيش وتكبر في شغلك المطلوب؟ السادة بتوع المحاضرات والتحفيز متقولش كلام وخلاص وامثلة وخلاص انزلوا للواقع علشان تبقوا مقعنين وبلاش استهزاء وكلام محفوظ عايز تقول؟