Post by Ammar Al Ansary, عمار الأنصاري

شو صاير مع منصة Favikon ؟ رجعت بالمنصة للتصنيف رقم #1 بمجال Robotics & Deep tech بعدين نقلتني لتخصص تاني يلي هوي ML & DL Engineering ونزلت كام مرتبة قول ما مهم .. لأني بشتغل بالمجالين فطبيعي منصات التحليل تحتار بتصنيف حسابي بس اللي بحيّر أكتر من الخوارزميات هوي منظومة القيم بالمنصة المهم .. بشوف منشور للدكتور المستشار الرقمي بمجال صناعة الهوية الشخصية Mohamad Yousif Ybroudi انه قاطع المنصة بسبب انن دعموا جماعة الألوان وهاد موقف مشرف ومشجع لغيره على اتخاذ هيك إجراء وشفت بالناحية التانية موقف للأستاذ Khaled Elahmad كمان مستشار بنفس المجال ولكن كان موقفه انه تواصل مع المنصة وطلب منن يتراجعوا عن اللي عملوه (باعتباره سفير إلهن بالمنطقة العربية) وحسب ما شفت انن تراجعوا (عالأقل باللوغو) فهون منشوف تصرفين مختلفين مع نفس الموقف طيب مين الصح؟ ما بعرف .. وبرأيي ال٢ عندن وجهة نظر وحابب اشكر الأستاذين على موقفن وبالنسبة إلي .. من فترة كنت مشارك بحـ.ـملة مهـ.ـاجـ.ـمة لمنصة LinkedIn مع اني بكتب عليها ولكن كنت شايف انو صح عم نستخدم المنصة للضرورة ولكن المهم انو ما نعطيها مصاري للاشتراك المدفوع (خاصة إذا مافي ضرورة) بسبب دعم شركة Microsoft للصـ.ـهايـ.ـنة واللي أعلنته بوقتها المهندسة ابتـ.ـهال أبو سعـ.ـد المهم .. هيك تصرفات ما بدنا نستغرب منها طالما الشركات عم تنطلق من منطلقات غير دينية فالضوابط الأخلاقية بتكون معدومة واللغة اللي بتحكي هيي لغة المال والتوجيه السيـ.ـاسي وطالما ما عنا بدائل عربية منافسة قوية فما منقدر نقاطع بشكل كامل (أو عالأقل ما بسهولة) لهيك حابب استغل هالفرصة واشكر منصة Qabilah | قبيلة وذكّر كل واحد يكون على ثغره بشكل صحيح ويقود مبادرة للتغيير -أو عالأقل يشارك- ويحاول تكون عنده أهداف أسمى من الأهداف المادية الموجودة بالشركات الغربية ويسعى يقدم شي للأمة -باعتبار إنتماؤه الإسلامي- لأن أمتنا مليئة بالعباقرة ولكن .. الله المستعان والسلام عليكم ورحمة الله وبركاته