Post by Amany Elsaftawy

من أكتر الحاجات اللي بستغربها… إن كتير من المستشفيات لما تقرر تدخل مجال السياحة العلاجية، أول ميزانية بتزيدها هي ميزانية التسويق. مع إن السؤال الحقيقي المفروض يكون: هل الـ Operations عندك جاهزة أصلًا لاستقبال مريض دولي؟ لأن المريض ده مش هيقيّمك على نتيجة العملية بس. هيقيّم قد إيه كان سهل يتواصل معاك. قد إيه أخد رد واضح على أسئلته. قد إيه رحلته كانت منظمة من أول استفسار لحد آخر متابعة. السياحة العلاجية مش خدمة بتبدأ لما المريض يدخل المستشفى… هي بتبدأ من أول رسالة بيوصلها. ولو الـ Operations مش مترابطة، أقوى حملة تسويقية في العالم مش هتقدر تعوض ده. وده سبب إني بشوف إن نجاح برامج السياحة العلاجية هو تحدي تشغيلي قبل ما يكون تحديًا تسويقيًا. #MedicalTourism #HealthcareOperations #HealthcareQuality #PatientExperience #HealthcareLeadership