Post by Alisar Mustafa

هل تعاني من متلازمة صناعة المحتوى؟ الصديقة أمل حشيش Aml Hashish كانت ناشرة عن هاي المتلازمة لما حكت الأعراض التالية : –لما تكون صانع محتوى ما رح تقدر تشوف نص فيه خطأ و تسكت دماغك رح يعمل تدقيق لغوي تلقائي. – أفكار المحتوى بتجيك بأوقات غريبة قبل النوم، بالشاور، وأنت عم تعمل أي شي عادي. – الإعلانات ما عاد تمر عليك مرور الكرام رح تصير تفككها لهوك، تفكر برسالتها، و تدقق على CTA. – الجاليري عندك صارت مقبرة سكرينات وأفكار محفوظة “لوقت لاحق”. – تطبيق الملاحظات مفتوح طول الوقت. – الناس حولك صاروا personas و كل واحد إله طريقة مخاطبة مختلفة. و أنا رح ضيف من تجربتي كصانعة محتوى طبي وتجميلي: 📍لما تكون صانع محتوى فعنصر الشك رح يكون موجود بكل نص كتبته حتى بعد ما يتم نشره. 📍 أي معلومة بتتعرف عليها مباشرة بتتحول لفكرة محتوى (متل الصورة المرفقة تماماً) 📍 بتكتب الجملة الوحدة بعدة نبرات و كأنك عم تختبر جمهور كامل جوا عقلك. 📍 عندك بنك أفكار ضخم لكن التنفيذ مؤجل بانتظار الظروف المثالية اللي ما بتجي.😅 وأهم نقطه بالنسبه الي أنك لما تكون صانع محتوى بتبطل مستهلك محتوى عادي بتتحول لمحلل محتوى content analyser شو الأعراض اللي عندك وما ذكرتها ؟