Post by Aliaa El-Dardery - FCD Master Trainer, PCC, Meta-Coach (P)

من أكتر النعم اللي بأحمد ربنا عليها هي الناس اللي قابلتها. بأعتبر نفسي من الأشخاص الـ blessed فعلًا، لأن ربنا سبحانه وتعالى قدّر لي أمشي في طرق قابلت فيها ناس جميلة، نوّرت لي الطريق، مش مجرد زملاء أو معارف. كل مرة بأنزل بوست على LinkedIn، وأشوف تعليق من حد بأحترمه جدًا في مجاله، أو حد اشتغلنا مع بعض ولو لفترة قصيرة، أو حتى اتقابلنا مرة وكان بيننا كلام لطيف، بحس بامتنان حقيقي. وبأحمد ربنا إنه رزقني الـ network دي. يمكن جزء كبير من طبيعتي إني introvert، وبأشحن طاقتي أكتر لما أكون في هدوء ومساحة خاصة، لكن وجود الناس الحلوة دي حواليا بيفرق. بيطمّن، بيدعم، وبيخلّي رحلة الشغل والحياة أخف وأجمل. فلو وصلك البوست ده، سيبلي/سيبيلي كومنت حتى لو مجرد 👋 أو "إزيك؟" خلّينا نفتكر بعض من وقت للتاني، ونفضل عارفين إننا موجودين لبعض، وإن كل واحد فينا مستعد يساعد التاني وقت ما يقدر. ربنا يديم علينا نعمة الناس الطيبة، ويرزقنا دايمًا صحبة تعيننا على الخير، وعلى النجاح. وأحب أختم بالحديث الشريف: "المؤمن للمؤمن كالبنيان، يشد بعضه بعضًا." 🤍 #networking #people4people