Post by Ahmed Reda
Backend Developer | Node.js, Express.js, Nest.js | DEPI Trainee | ECPC Problem Solver
واخيرًا رحلة الكلية الي بدأتها من 4 سنين خلاص خلصت بتوفيق ربنا وكرمه والحمدلله اتخرجت وبدأت رحلة جديده لكن مليانه بالمجهول فاللهم يسر لنا الحال. ختمنا الرحلة بمشروع تخرجنا "سلامتي" والي لازم اتكلم عنه في بوست لوحده لكن باختصار احنا كنا شغالين علي نظام ذكي لرصد حوادث الطرق وتنسيق عمليات الانقاذ ليها والي حقيقي بجد فخور اني شاركت في بناءه لان الموضوع دا مهم جدًا وكان بيمس حياة الناس. وتتمثل مشاكل النظام الحالي الاساسية في الاعتماد علي العنصر البشري في الابلاغ عن الحادث واحيانا تأخر وصول الاسعاف والجهل التام من الاهل عن المصاب وكذلك نقص المعلومات الطبية عن المصاب من حساسية لأمراض مزمنه وغيره وكل دقيقة بل كل ثانية ممكن تكون سبب في إنقاذ حياة انسان او فقدانها. الحمدلله احنا قدرنا نحل المشاكل دي كلها من خلال نظام مؤتمت بالكامل وجهاز ذكي في العربية بيكتشف الحوادث ويحدد موقعها لحظيًا وتطبيق للسائق بيحفظ بياناته الطبية ويبلغ المسعفين وجهات الاتصال وقت الحادث مع تطبيق للمسعف علشان يضمن استقبال البلاغات وادارتها بسرعة وكفاءة. حابب أشكر جدًا التيم اللي اشتغل معايا في المشروع وحقيقي كانوا قد المسؤولية وانا كنت مسؤول عن Backend & Embedded Development وكمان Team Leader اما باقي اجزاء المشروع فكانت من تنفيذ الناس الشاطرة دي: UI/UX & Analysis & Documentation: Gana Ellaban، shimaa Elkastamony Mobile Apps: Rahma Yasser, Hazem Ali Penetration Testing: Yara Mekawy Embedded Development: mohamed hossam وطبعًا مقدرش انسى اشكر ال Supervisor والداعم لينا طول الرحلة دكتر Nesma Ebrahim hassanaen وختامًا رحلة الكلية كانت بالنسبالي مش الاكتر افادة لكن ذكراتي فيها كانت جميلة بشكل غريب والي بالمناسبة مكنتش كتير بس كنت مبسوط بيها والناس الجميلة الي قابلتها وفي نفس الوقت مش بنسي الاوقات الصعبة والضغوطات والوقت الي بيضيع من غير اي فايده ودي كانت الضريبة الي لازم ندفعها وانت الي بايدك بتقرر انك تشوف وتفتكر الحلو ول الوحش ولكل منا قصته #Graduation #GraduationProject #EmbeddedSystems #BackendDevelopment #TechForGood
