Post by Ahmed El-Sheikh

من فترة وأنا بفكر في مشروع مجنون شوية 😄 الفكرة ببساطة هي بناء Open Source FPGA ML Compiler يقدر يحول موديلات الذكاء الاصطناعي (PyTorch / ONNX) إلى Hardware Designs قابلة للتشغيل على الـ FPGA بشكل أوتوماتيك. يعني بدل ما كل واحد يقعد يكتب RTL من الصفر، يبقى عندنا Compiler يعمل الرحلة كاملة من الموديل لحد الـ Verilog، مرورًا بالـ Optimization والـ Scheduling والـ Memory Planning وغيرها. عارف إن المشروع كبير جدًا، ومش هيخلص في شهر ولا اتنين، لكن ده بالظبط اللي مخليني متحمس ليه. عاوز نبني حاجة تبقى ليها قيمة حقيقية، ويستخدمها الناس، وتفضل تتطور مع الوقت. المشروع هيكون Open Source بالكامل، وأي حد هيشارك هيكون شريك في بناءه من البداية. بدور على ناس عندها شغف بأي من المجالات دي: FPGA / Digital Design Computer Architecture Compilers Embedded Systems Machine Learning Systems C/C++ Python Verilog / SystemVerilog مش شرط تكون Expert، الأهم يكون عندك استعداد تتعلم وتلتزم ونبني حاجة كبيرة سوا. ولو في شركة مهتمة تتبنى المشروع، أو توفر Mentorship، أو تدعمه هندسيًا أو حتى تستضيفه كمشروع Open Source، هيكون ده شيء رائع جدًا. هدفي إن المشروع يطلع بمستوى يليق إنه يبقى أداة حقيقية يستخدمها المطورين والباحثين. لو مهتم أو تعرف حد ممكن يكون مهتم، ابعتلي رسالة أو اعمل منشن ليه في الكومنتس🚀 #OpenSource #FPGA #AI #Compilers #EmbeddedSystems #ComputerArchitecture #HardwareAcceleration #Verilog #PyTorch #ONNX