Post by Ahmed M. AbdelRazeq

من أكتر من سنة كنت عايز أدخل مجال الـ Freelancing، لكن وقتها كنت شايف إن مستوايا لسه مش مؤهل إني أقدم خدمة بالمستوى اللي يرضيني أو يرضي العميل. بدل ما أبدأ وأنا مش جاهز، قررت أشتغل على نفسي أكتر. نفذت مشاريع شخصية، وطورت مهاراتي في التصميم الهندسي والميكاترونكس، وحاولت أبني خبرة حقيقية قبل ما أبدأ أقدم خدماتي للناس. من حوالي شهرين، ومع بداية رحلتي في رواد مصر الرقمية، كان مطلوب مننا تنفيذ 3 مشاريع على الأقل على منصات العمل الحر. ومع دخول مرحلة الـ Coaching بدأت أسأل نفسي: هل فعلاً أقدر أنافس في المجال ده؟ وهل مستوايا وصل للمرحلة اللي تسمحلي أقدم شغل احترافي؟ أول مشروع نفذته كانت نتيجته تقييم 5 نجوم، وده كان بالنسبة لي رسالة مهمة جدًا: "أنت جاهز". ومن وقتها، وبالتوازي مع الدراسة والامتحانات ومشاريع الكلية والهاكاثونات، قدرت بفضل الله أوصل إلى: ⭐ 8 تقييمات متتالية 5 نجوم 🤝 تكرار العمل مع أكثر من 50% من العملاء 📈 تنفيذ مشاريع في مجالات متنوعة بين التصميم الهندسي، SolidWorks، تصميم دوائر PCB، وإعداد المحتوى التقني الأرقام دي بالنسبة لي مش مجرد تقييمات، لكنها دليل إن التطوير المستمر والاستثمار في النفس عمره ما بيروح هدر. كل الشكر لبرنامج رواد مصر الرقمية على الفرصة الحقيقية اللي فتحت ليا الباب إني أبدأ الرحلة دي. وشكر خاص للمهندسة Salma Mohamed على دعمها ومتابعتها المستمرة، وعلى تشجيعها في أوقات كتير كنت ممكن أفقد فيها الحماس أو أستسهل الانسحاب. دي مجرد البداية، وإن شاء الله القادم أقوى. 🚀 #Freelancing #Mechatronics #Engineering #SolidWorks #DigitalEgyptPioneers #CareerGrowth