Post by Ahmed SOUID

بكل صراحة... التحدي موش ساهل اما ممكن جدااا.. خاصة كيف تخدم الحكاية بقلب... اليوم نوصلو للوابينار 5/12 في سنة 2026 و الجديد "الاول" 1/7 في المبادرة الجديدة #نحكيو_leadership و الانتقال من تغيير العادات الى القيادة عندو سبب تو نهار نحكي عليه و في هذا حبيت نشكر كل الضيوف الي قبلو دعوتي من كل قلبي ❤️ Yosra Zghonda الي ابحرنا معاها في علوم الاعصاب و الهوية Afef CHAIEB الي كرمتنا بالذكاء العاطفي و حضورها المشرق Hana Manai ملكة حب الذات.. الي نورت قلوبنا و عقولنا Marwen Riahi المبدع الي غصنا معاه في علم النفس بسلاسة و القادم في القيادة و management 3.0 Ikbel NACCACHE 🍃 الي معاه باش نعيشو سهرة راااائعة ان شاء الله... متحمس جدا ليها 🔥 و من خلال هذا حبيت نقول ملاحظة: قررنا القيام ببعض التغييرات من التنظيم الى ما بعد التسجيل 1- الغينا التسجيلات القديمة الكل و انشانا رابط تسجيل جديد يعني كل شخص يحب يشارك معانا نطلب منو بكل لطف يسجل من خلال الرابط الجديد 🤗 اكتبلي "قيادة" في تعليق و انا نبعثهولك على الخاص 2- التسجيل الواحد كافي للحضور في باقي المواعيد القادمة و انا في كل مرة انظمو موعد جديد نبعثلك تفاصيلو على المايل 3- و نتخيل هذا سيسعد الكثيرين... قررنا تسجيل كامل الحلقات القادمة و سيقع نشرها بعد الوابينار على قناة اليوتوب حتى لتو مانيش عارف كفاه باش نعملها اما متاكد الي باش انجم 🥰 مبدئيا هذه اهم النقاط الي حبيت نعلم بيها في انتظار مشاركتكم و قبل مانختم حبيت نشكر كل الناس الي حظرت معانا في المواعيد الفارطة... الي تفاعلت و سئلت و زينت اللقاءات و زادتهم عمق... و اخيرا نحب نقول الي هذا الجهد... موش مزية... هذا حقكم عليا... مادامني مازلت نتنفس ❤️❤️ نهاركم زين #نحكيو_leadership