Post by Ahmed Shoukry

صباحكم استثماري مع شكري ☕ لو لسه ما زرتش ليوا… يبقى فاتك جزء من روح الإمارات اللي مستحيل تتكرر في أي مكان تاني! بوست النهارده مش استثماري لكن تجربة حبيت اشاركم بيها  حالفني الحظ السنه دي اني احضر يوم في LIWA  ولو مكونتش تعرف ليوا فانت فايتك كتير .......  ليوا ياسيدي واحة كبيرة موجودة في إمارة أبوظبي في الإمارات وتعتبر بوابة الدخول لصحراء الربع الخالي واحدة من أكبر الصحاري الرملية في العالم المنطقة مشهورة بـالكثبان الرملية ضخمة تعتبر من الأعلى عالميا (تل مرعب) ومزارع نخيل وتمر تاريخية و مزارع الإبل والسباقات التراثية وتراث وثقافة بدوية أصيلة وكمان مهرجانات وفعاليات سنوية عالمية انا شوفت ان ليوا واحة السحر في قلب الصحراء لان كل سنة المنطقة دي مش بس بتستقبل فعاليات… لا دي بتفتح باب لعالم تاني!  فعاليات وتراث و بطولات ومنافسات وكمان احتفالات وأسواق شعبية غير مهرجانات الهجن والإبل ومهرجانات السيارات والرمال ليوا مدينة بترسم مستقبل السياحة الصحراوية مش بس في الإمارات لكن في الخليج كله كل سنة بنشوف تطور… تنظيم أعلى… حضور أكبر… واهتمام عالمي بالمكان ده  اتوقع طفرة في عدد الزوار… خصوصا من أوروبا وآسيا وده هيخلي استثمارات جديدة في القطاع السياحي والبنية التحتية وكمان مشاريع بتربط الفعاليات بالسياحة العلاجية والعائلية ليوا هتبقى “محطة سنوية ثابتة” لعشاق المغامرة والفنون والثقافة ولازم قبل ما أقفل الكلام… أرفع القبعة لكل القائمين على نجاح ليوا سنة بعد سنة من أول الجهات المنظمة والمسؤولين عن التخطيط لحد الفرق الميدانية وأبطال الأمن والسلامة اللي واقفين في عز البرد والحر واللي بيهتموا بكل زاوية عشان الزائر يخرج مبسوط وآمن وشكر خاص لكل أهل ليوا ❤️ اللي بيستقبلوا الناس بترحاب وكرم… واللي بيثبتوا كل يوم إن التراث روح عايشة بين الناس شكرا لكل يد اشتغلت… لكل فكرة اتنفذت… ولكل لحظة حلوة خلتوها واقع. لو ناوي تحضر أي فاعلية السنة دي… ابدأ بليوا خلي التجربة مختلف وخليك جزء من الحدث بدل ما تتفرج من بعيد وياريت اللي راح قبل كده يشاركني التجربة في الكومنتات 👇 أحمد شكري  دبي/الامارات #ليوا #واحة_ليوا #الساحل_الغربي #التراث_العربي #الإمارات #سياحة_الإمارات #فعاليات_الإمارات #الربع_الخالي #استثمار_السياحة #ثقافة_وتراث #AhmedShoukry #InvestmentIsALifestyle

Video Content