Post by Ahmed Mohamed Abdallateef

بعد ما دخلت مجال إضافات الخرسانة بجد بدأ يدور في دماغي سؤال كنت مستبعده تماماً هل هيجي يوم نستغني فيه عن الخرسانة نفسها! سؤال مش غريب لو شفت اللي بيحصل في العالم دلوقتي في مواد بديلة بتتطور بجد مش مجرد أبحاث نظرية Fly Ash والـ Slag مستخدمين بقالهم عشرات السنين كبديل جزئي للأسمنت وبيقللوا البصمة الكربونية بشكل حقيقي و Silica Fume بقى جزء أساسي في الخرسانة عالية الأداء وفي حاجة أحدث ممكن متكونش سمعت عنها وهي LC3 يعني Limestone Calcined Clay Cement وده نظام بيقلل استهلاك الكلينكر بنسبة كبيرة وبيحافظ على مقاومة قريبة من الأسمنت التقليدي وفي كمان Geopolymer وAlkali Activated Materials وهي مواد رابطة أصلاً من غير أسمنت بورتلاندي خالص ومعتمدة على مواد زي الـ Fly Ash أو الـ Slag مع منشط قلوي كل ده حقيقي وموجود وشغال في مشاريع فعلية مش خيال علمي وأنا زيي زي أي حد بيحب البيئة يتحافظ عليها و بتمني الصناعة تتطور في الاتجاه ده اكتر بس السؤال اللي فضل يلاحقني هل ده معناه إن اللي اتعلمته في المجال ده هيروح على الفاضي يوم من الأيام وبعد تفكير كتير وصلت لحاجة مهمة أي مادة رابطة جديدة سواء LC3 أو Geopolymer أو أي حاجة تانية لسه محتاجة تحكم في التشغيلية والتصلب والتوافق مع باقي المكونات يعني الإضافات مش هتختفي هي هتتغير شكلها وهتتطور معاها وده بالظبط اللي بيحصل في أي مجال حقيقي مفيش حاجة اتعلمتها صح وبنيت عليها فهم حقيقي بتروح على الفاضي طالما إنت فاهم الأساس صح فانت قادر تتكيف مع أي تطور يحصل وطالما انت واثق في شغلك ومتابع اللي بيحصل في المجال ومتوكل على ربنا مفيش AI ولا تكنولوجيا هتاخد مكانك وربنا اللي وفقك توصل للمرحلة اللي إنت فيها دلوقتي سبحانه قادر هيوفر لك الظروف تتطور وتبدأ من جديد لو احتاج الأمر ده المجال مش هيختفي هو هيكبر ويتغير وإنت جزء من التغيير ده مش ضحية له سؤالي ليكم حد فيكم حس بالإحساس ده في يوم في مجاله؟ وإيه اللي خلاه يطمن! #إضافات_الخرسانة #الخرسانة #الاستدامة #الهندسة_المدنية #ConcreteTechnology #SustainableConstruction #ReadyMix #GreenConcrete