Post by Ahmed Laban

افهم النموذج ده مرة واحدة بس، وهتبقى قادر تتنبأ بنتيجة أي Spatial Relationship قبل ما تشغّل الكود أصلاً. عمرك فكرت قبل كده وانت بتعمل Spatial Relationship بين الـ Features إزاي الـ Software او الـ DB اللي انت شغال عليها بتحدد الـ Relation دي هي Touch ولا Intersect ولا Within؟ الحقيقة إن عندنا نموذج اسمه DE-9IM، وهو اختصار لـ Dimensionally Extended nine-Intersection Model، ده الـ Core Engine اللي مبنية عليه كل معايير الـ OGC (Open Geospatial Consortium) لتعريف العلاقات المكانية. إزاي النموذج بيشتغل؟ لازم البرنامج يقسم أي Feature لـ 3 أجزاء: Interior (I): الداخل أو المساحة الداخلية للشكل. Boundary (B): الحدود أو الحواف الخارجية. Exterior (E): الخارج أو باقي الفراغ المحيط بالشكل. والـ Boundary بتختلف على حسب الفيتشر نفسه: النقطة (Point): الداخل هو النقطة نفسها، الحدود (النقطة ملهاش حدود)، والخارج هو المساحه الخارجيه للنقطه. الخط (Polyline): الداخل هو جسم الخط نفسه، والحدود هي نقطة البداية والنهاية فقط ، والخارج كل حاجة تانية برة الخط. المضلع (Polygon): الداخل هو المساحة اللي جوة، والحدود هي الإطار الخارجي (أو الداخلي لو فيه فجوة/Ring)، والخارج كل حاجة برة الشكل بما فيها أي فجوة جواه. الرموز اللي بتعبر عن نتيجة كل تقاطع (Dimension): F : مفيش تقاطع (False / Empty). 0: التقاطع نتج عنه نقطة (Point). 1: التقاطع نتج عنه خط (Line). 2: التقاطع نتج عنه مضلع (Polygon). الكود بيتكون من 9 خانات (Matrix 3×3)، مقسّمة كالتالي: -أول 3 خانات → الـ Interior بتاع الشكل الأول: بيتقاطع مع (Interior / Boundary / Exterior) الشكل التاني. -تاني 3 خانات → الـ Boundary بتاع الشكل الأول: بيتقاطع مع (Interior / Boundary / Exterior) الشكل التاني. -تالت 3 خانات → الـ Exterior بتاع الشكل الأول: بيتقاطع مع (Interior / Boundary / Exterior) الشكل التاني. ممكن نمثله بالشكل دا لتسهيل الفهم I/I - I/B - I/E B/I - B/B - B/E E/I - E/B - E/E تريكة سريعة : لو الـ Rule اللي بتفكر فيها تخص "قلب أو مساحة" الشكل الأول، عينك تروح على أول 3 خانات. ولو ليها علاقة بـ "حواف أو حدود"، عينك تروح على تاني 3 خانات (اللي في النص). التقسيمة دي بتخليك تقرأ أي String مكوّن من 9 حروف كإنه 3 كلمات جنب بعض، وبتسهّل عليك كتابة وفهم الـ Rules المعقدة من غير لخبطة. ممكن نستخدم النموذج دا ونتدرب عليه فين؟ أسهل طريقة إنك تجربه جوه ArcGIS Pro ، في Attribute Rules. هتلاقي Rule جاهزة اسمها "Feature on Feature" موجودة تحت نوعين: Validation Rules وConstraint Rules. learn more: https://lnkd.in/efA8vfAy #ArcGISPro #GIS #Geospatial #Mapping #SpatialAnalysis #Geography #ArcGIS #DataVisualization #Geodata #LocationIntelligence #Geospatial #Geoprocessing #DataManagement #GISMapping #Esri #GISCommunity #Editing #Arcade