Post by Ahmed Hisham

٤ سنين في iSchool ❤️ من ٤ سنين دخلت iSchool و انا طالب في تانية كلية وأنا كل مهاراتي اني بحب الشرح و بحب افيد غيري ، وأخلي كل طالب يطلع من الـ Session وهو مبسوط ومستفيد. مكنتش متخيل إن الخطوة دي هتكون بداية رحلة هتغيرني بالشكل ده. بدأت كـ Tutor، واتعلمت إن التعليم مش مجرد شرح، لكنه صبر، واحتواء، وإنك تقدر تزرع ثقة في طفل يمكن تفرق معاه سنين قدام في مهارة هي المستقبل و أننا في يوم من الأيام كان نفسنا في سنهم نلاقي التوجيه ده💙. بعدها بقيت Mentor، وهنا فهمت إن التأثير الحقيقي مش بيقف عند الطلاب بس. بقيت بشتغل مع فريق من الـ Tutors، أساعدهم، وأدعمهم، وأشوفهم بيتطوروا يوم بعد يوم. وإحساس إنك تشوف حد بيتقدم بسبب دعم أو نصيحة منك... إحساس صعب يتوصف. وبعدين وصلت للمرحلة اللي فعلًا بحبها أكتر من أي مرحلة عدت عليا... Team Leader. بقالي دلوقتي سنة ونص في الدور ده، وكل يوم بتعلم حاجة جديدة. اتعلمت إن القيادة مش معناها إنك تعرف كل حاجة، لكن إنك تعرف تسمع، وتدعم، وتاخد قرارات صعبة، وتخلق بيئة تخلي كل اللي حواليك يقدروا ينجحوا. ولما ببص على الأربع سنين اللي فاتوا... مش بفتكر عدد الـ Sessions، ولا عدد ال Meetings، ولا ساعات الشغل. بفتكر الطلاب اللي كانوا سبب في إني أحب التعليم أكتر. بفتكر الـ Tutors اللي اتشرفت إني أكون جزء من رحلتهم. وبفتكر الناس اللي اشتغلت معاها، واتعلمت منها، وكانت سبب بعد ربنا في كل خطوة وصلت لها و اتمني منساش حد لكن أكثر الناس المؤثرة فعلا ليا و اللي خلوني اطلع افضل ما عندي و اكتشف مهارات مكنتش اتخيل انها تبقي عندي💙💙 Asmaa Mohammed Nasef Seif Aldeen Marouf Aya El Nagar كل مرحلة كان ليها تحدياتها، وكل مرحلة علمتني حاجة مختلفة، لكن في الآخر كلهم كانوا بيجهزوني للمرحلة اللي بعدها. أنا ممتن جدًا لكل فرصة أخدتها، ولكل شخص قابلته، ولكل ثقة اتحطت فيا خلال الرحلة دي. ٤ سنين عدوا... لكن إحساسي لسه زي أول يوم. لسه عندي نفس الشغف إني أتعلم، وأكبر، و أسيب أثر حقيقي في الناس اللي بشتغل معاهم. وشايف إن أجمل جزء في الرحلة... لسه مجاش. شكرًا iSchool على ٤ سنين من التعلم، والثقة، والنمو، والذكريات. ❤️🚀 #iSchool #Leadership #Education #Growth #4Years