Post by Ahmed Hassan Habashy

talabat دي مشكلة احد سلاسل المطاعم الشهيرة مع شركة طلبات talabat وانا بنقلها زي ماهي. اتعودنا في دراستنا وحياتنا العملية ان ال customer retention اهم بكتير من gaining new customers لان العميل الجديد بيرجع لراي العميل القديم وتقييمه للخدمه بيتم بناءا علي تقييم العملاء القدام اللي بياخدهم benchmark. اخدنا كمان في دراستنا المتخصصة ومن واقع حياتنا العمليه انه جميل انك تكبر بشركتك بس بناءا علي دراسات محسوبه وتخطيط جيد جدا لانك ممكن تكون ناجح جدا وانت حجمك كشركة صغير او متوسط ولكن لو كبرت ممكن تفشل فشل ذريع وتهدم كل النجاح اللي كان موجود وانت حجمك كشركة صغير.. ياريت حد من شركة طلبات اللي سيطرت علي سوق توصيل طلبات الطعام في مصر تنظر لشكوي عملاؤها بعين الاعتبار. *************************** الشكوي من صاحب مطاعم حمزه وبلال المهندس وائل صبري بتقول: الساده المحترمين شركه Talabat ، هو في ايه ! اللى حقوله ده مفروض مطاعم كتيييييير تتكلم معايا فيه لاننا بنخسر كتير اوى اوى كده انا بحاول اتواصل مع اي اداري في الشركه مش عارفين نوصل لحد واللى ماسك الاكونت بيمشي كل شهر تقريبا ولحد ما يجي اكونت مانچير جديد ونعرفه بيبقي خلاص هيمشي ٣ شهور مفيش حد ماسك شغلنا وبنحاول نكلمكم ولا حياه لمن تنادي بس فى مشاكل تانيه كتير اوي الطيارين بتوع حضرتكم عاملين لينا مصايب وكوارث في الشغل زمان الطيارين بتوعكم كانوا علي الفرازة دلوقتى احنا بيجلنا طيارين مظهرهم العام لا يليق انهم يطلعو للعملاء وخليني احكي لحضرتكم علي سبيل المثال ، امبارح انا جالي طيار في مطعم بلال يستلم اوردر الدليفري لابس تشيرت وشورت وشبشب وهدومه مقطعه شكله كان بيتخانق جاي يستلم اوردر عشان يطلع بيه لعميل طبعا رفضت اسلمه الاوردر وكنسلت الاوردر كله عشان مينفعش اللي مش هقبله علي اهل بيتي مش هقبله علي باقي الناس !! من اسبوع تقريبا طيار من طلبات استلم اوردر من مطعم ابو حمزه التجمع وسلمه للعميل بعدها بساعتين شكوي من العميل علي صفحتي العميل باعت لينا فيديو وطيار طلبات بيسرق كوتشي من قدام باب شقته طبعا انا كنت في نص هدومي واعتذرت علي حاجه انا ماليش اي ذنب فيها غير ان العميل ده بيثق في مطعمي بس طلب اوردر من طلبات الاوردرات بنسبه 35% بتوصل فيها مشاكل ده طبعا غير الاوردرات اللي بتتاكل نصها في الطريق وطلبات مبتعوضش عملاء مع الاسف وبنضطر عشان منزعلش حد مننا نبعت اوردرات مجانا علي حسابنا للعملاء طبعا في طيارين في طلبات علي راسنا وفوق دماغنا وناس محترمه جدا بس بجد في ناس مطلعه عنينا حتى مطعم جريس بقالهم شهرين مش راضين يدخلوه فالشغل ويقولنا اصل الموافقه لسه موصلتش من دبي!!!!!!!!!!!!!!!! حد حيقولى ايه اللى غاصبك؟؟؟؟ الرد ان طلبات مسيطره على سوق الاكل والموضوع كبير جدا حاليا عليها وفى مطاعم راحت فالرجلين ف انا مضطر مش اكتر مشاكل كتير بالجمله ومش عارفين نتكلم مع مين ولا نقول لمين مشاكلنا انا علي الحال ده من سنه ! انا والله ما بحب لا احكي ولا اتكلم ولا اكتب علي الفيس ولا بحب الشوشره بس اتاكدو اني لما عملت كده عملت لاني فاض بيا!