Post by Ahmed hassan

السلام عليكم يا شباب معانا النهارده في سلسله " كل يوم لغة "لغه مشهوره جدا ومعروفه بين طلاب الحاسبات وهي لغة C++ إيه هي لغة C++؟ هي لغة برمجة قوية جداً وبتعتبر تطوير للغة C، وبتجمع بين الأداء العالي والتحكم الكامل في الجهاز. الفكرة الأساسية منها إنها تديك قوة كبيرة في التحكم في الذاكرة والهاردوير، وفي نفس الوقت تقدر تكتب برامج معقدة ومنظمة. مين هو الي اخترع C++؟ سنة 1985 تم تطوير C++ بواسطة العالم الدنماركي Bjarne Stroustrup. وكان هدفه إنه يطور لغة C ويضيف ليها مفاهيم البرمجة الكائنية علشان يخليها أقوى في بناء البرامج الكبيرة. ليه اسمها C++؟ الاسم جاي من لغة C و ++ معناها زيادة أو تطوير يعني ببساطة:C++ = نسخة مطورة من c ليه تتعلم C++؟ لو أنت: مبتدئ وعايز تفهم البرمجة بعمق داخل كلية حاسبات مهتم بتطوير الألعاب مهتم بالمسابقات البرمجية عاوز تتعلم لغة قوية وسريعة فـ C++ تعتبر من أفضل اللغات اللي تقوي بيها نفسك طيب أي هي مميزات C++ سريعة جداً في التنفيذ. بتديك تحكم كامل في الذاكرة. مناسبة للمشاريع الكبيرة. بتدعم البرمجة الكائنية. مستخدمة في أنظمة قوية جداً. ممتازة في الخوارزميات وحل المشكلات. منتشرة في المسابقات البرمجية. طيب اي هي عيوب C++ صعبة شوية على المبتدئين. الكود فيها معقد مقارنة بلغات زي بايثون. ممكن يحصل أخطاء بسبب إدارة الذاكرة. محتاجة تركيز وفهم عالي. التطوير فيها بياخد وقت أطول. استخدامات C++ 1- تطوير الألعاب تعتبر من أهم اللغات في المجال ده وتستخدم في محركات ألعاب قوية. 2- أنظمة التشغيل تستخدم في بناء أنظمة سريعة وقوية. 3- البرامج الكبيرة زي المتصفحات وبرامج التصميم. 4- الأنظمة المدمجة زي الأجهزة الذكية والميكروكنترولر. 5- المسابقات البرمجية من أشهر اللغات في حل المسائل والخوارزميات. طيب سؤال هل C++ مطلوبة في سوق العمل؟ ايوه طبعا، ومطلوبة في مجالات كتير جداً. طيب أي هي افضل المصادر لو حابب تبدأ تعلم C++ بشكل صحيح، فدي مجموعة من أفضل المصادر المجانية المتاحة على الإنترنت :1- قناة Elzero Web School من أفضل القنوات العربية لتعلم البرمجة، وبتبدأ معاك من الصفر لحد مستويات متقدمة الرابط: https://lnkd.in/eqdVfqrp 2- الموقع الرسمي للغة C++ أفضل مكان للحصول على التوثيق الرسمي للغة وأحدث المعايير والتحديثات الرابط: https://cplusplus.com 3- قناة freeCodeCamp من أشهر المصادر الأجنبية المجانية لتعلم البرمجة الرابط: https://lnkd.in/ed-QvxRT 4- قناة محمد الدسوقي من القنوات العربية المميزة في شرح البرمجة والخوارزميات والمسابقات البرمجية الرابط: https://lnkd.in/eMQQkjs5 5- موقع W3Schools ممتاز للمراجعة السريعة وتعلم الأساسيات مع إمكانية تجربة الأكواد مباشرة من المتصفح. الرابط: https://lnkd.in/e2Jf6Aye 6- شيتات أسيوط (Assiut Sheets) من أفضل المصادر العربية للتدريب على حل المشكلات والخوارزميات باستخدام C++ الرابط: https://lnkd.in/erZemzFe