Post by Ahmed Gaber

بعد رحلة استمرت 7 سنوات، قررت إني أبدأ خطوة جديدة في مسيرتي المهنية. يمكن البوست ده متأخر شوية… وكان المفروض يتكتب من شهر، لكن بصراحة كان صعب عليا أكتبه من أول مرة. أعتز جدًا بتجربتي داخل شركة Carina Wear ، واللي كانت الأساس الحقيقي في تطويري على المستوى المهني والإنساني، ومنحتني فرص أتعلم وأتحمل مسؤوليات بشكل أكبر. الأهم من كده، Carina Wear مش مجرد مكان شغل دي بتزرع جواك إحساس بالانتماء ليها، مكان عشنا فيه تفاصيل كتير من حياتنا، وكان ليه تأثير حقيقي فينا كلنا، وإحساس إننا عائلة واحدة بنسند بعض ونكبر سوا. اشتغلت مع زملاء بدأوا معايا من أول يوم، وزملاء انضموا في مراحل مختلفة… كانوا دايمًا جزء أساسي من أي تجربة ناجحة عشتها خلال الفترة دي، وكان ليهم دور كبير في كل حاجة اتعلمتها. وفيه زملاء كانوا جزء مهم من الرحلة ومشوا، وزملاء فقدناهم… وهيفضلوا دايمًا في الذاكرة. تعلمت كتير، سواء في الشغل أو في التعامل مع الناس، وفهم قيمة إن يكون حواليك فريق تقدر تعتمد عليه. لو كنت زميل حالي أو سابق وبتقرأ الكلام ده… فأنا بقولك شكرًا ليك، على كل موقف، وكل دعم، وكل لحظة شاركتني فيها. أنا ممتن لكل تجربة ولكل شخص شاركني الرحلة دي. بداية جديدة قدامي، متحمس لها، وإن شاء الله تكون خطوة لقدّام. أتمنى لكم جميعًا دوام النجاح والتوفيق.. ‏ ‏Mohamed Samy‏ . ‏Hossam Gamal‏ . ‏Nagham Refaat‏ . ‏Amira Khairy‏ .‏Amany Abdelaal‏ .‏Amir Nour‏ .‏Mahmoud Sherif‏ .‏Ahmed Magdy Elkhodary‏ . ‏Sherine Hosni‏ . ‏Dina Adel‏ .‏Alaa Mohsen‏ .‏Salwa Sayed‏ .‏Farrah Amr‏ شكرًا لكم على كل حاجة 🤍