Post by AHMED EMAD

في نقاش مع واحد صاحبي (Ahmed ben zayed) ، كنا بنتكلم في موضوع ال AI حبيت اكتب الكلام ده في بوست ومستني رايكم حاسس إننا بقينا داخلين بشكل مبالغ فيه في موضوع الـ over engineering بطريقة غريبة جدا، كأن أي حل لازم يبقى معقد ومتشابك أكتر من اللازم حتى لو المشكلة بسيطة وكمان في اتجاه غريب شوية بقى موجود حوالينا ناحية تقفيل أو تضييق فكرة الـ open source بشكل ملحوظ، مش واضح سببه الصريح، بس الإحساس العام إن في حاجة بتتغير في الاتجاه ده ومع دخول الـ AI في الشغل، الموضوع بقى ليه تأثير نفسي غريب، بقى فيه إحساس إن مفيش حاجة كفاية، لازم كل حاجة تطلع بأعلى جودة ممكنة بشكل مبالغ فيه، وفي الآخر برضه مش بيكون في رضا كامل ده بدأ يخليني أحس إن فيه ضغط بيزيد مش بس تقني لكن كمان نفسي، وناس كتير ممكن تبدأ تحس بإحباط أو فقدان متعة الشغل نفسه بقيت حاسس ان الموضوع بقي مسبب للاكتئاب اكتر بس في نقطة لفتت انتباهي في كلام أحمد فتحي (المدرسة ) Ahmad Fathy بوست كان بيتناقش فيه الموضوع عن شخص كان بيتكلم عن ال AI وخبرته 20 سنة وده كان كلام صحبي هو مش واخد باله إن الحاجة اللي اتعملت في دقيقتين، دي اتعملت كده لأنه عنده خبرة ممكن تقرب من عشرين سنة فيه هنا تحيز طبيعي بيحصل، لأنك لما تبص على النتيجة من غير ما تحط خبرة الشخص في المعادلة، هتستغرب جدا وأنا شخصيا لما بشوف نفس الفكرة بتتعمل قدامي باستخدام أدوات زي الـ AI وبشوفها بتتنجز في وقت صغير جدا، ببقى منبهر، بس انبهار من نوع مختلف، انبهار يخليك تدرك قد إيه الخبرة نفسها عاملة فرق مش بس الأداة تكملة لكلامي انا المشكلة إن السرعة دي ساعات بتخلي العقل مش مستوعب حجم اللي حصل، فبدل ما تبقى فاهم العملية، بتلاقي نفسك رايح في اتجاه إنك تزود تعقيد زيادة عن اللزوم، كأنك بتحاول تعوض إحساس إن الموضوع سهل زيادة ومع الوقت ده ممكن يخلق إحساس غريب بالنقص أو عدم الرضا حتى لو الشغل نفسه كويس واللي أخطر من كده، إن ده ممكن يخلق اعتماد زيادة على إن حد غيري هيعملها أسرع أو الـ AI هيحلها، فبالتالي يبدأ يحصل نوع من الكسل أو فقدان الدافع للتجربة والموضوع مش تقني بس، ده ليه جانب نفسي واضح وحتى الشركات نفسها بدأت تتحول لنقطة مختلفة، مش بس السرعة أو الجودة، لكن كمان تكلفة الاستخدام، عدد الـ tokens، وكفاءة الاستهلاك، يعني الحسابات بقت أوسع من مجرد تنفيذ feature وخلاص مستني رايكم وتعليقاتكم في الكومنتات دمتم بخير