Post by Ahmad Alhawari

هذا البوست ما رح اكتبه بالذكاء الإصطناعي…… دايما كل يوم بصحى الصبح وبسأل حالي السؤال المعتاد وين مستقبل الأردن رايح وانا رايح على الجامعة كل يوم وانا بقصدر لجامعتي الفخمة Al Hussein Technical University (HTU) ولا بس احضر حالي انزل على اربد واروح على قريتي الي بفتخر بانتمائي الها حور وبقابل خلال هاي الرحلة فئات اجتماعية مختلفة وأعمار مختلفة بس عنجد الي بحس حالي بعيد عنهم هما فئة الأطفال … وين برأيكم اكثر مكان ممكن يكون فيه الإجابة على هيك سؤال اكيد Jordan Young Scientist والسبب بسيط لما يتجمع اكثر من ٢٠٠ مشروع من كافة محافظات وفئات المدارس بالأردن تشوف براءة أطفال باختلاف ظروفهم وببين عليهم بالبوستر بطريقة التقديم بكل اشي بتأكد من شغلتين الأولى انو احنا دايما عيلة وحدة والشغلة الثانية انو مستقبلنا بهاي المشاريع الي بتخلي الواحد يوقف ويطلع وينصدم وينفسه يدعم كل مشروع لحاله كلمة أبدعتم بحكيها للطلاب وانا مقصر قديش بكون زعلان انو مش الكل يفوز وقديش بكون فرحان للي فازوا وقديش في سر مهم لازم تعرفوا عني بربطني بهاي المسابقة بس رح اخليه للسنة الجاي 😂 هاي السنة الثانية الي كمتطوع بتاكد كل مرة بس اطلع بالعيون والمشاريع انو هذا الجيل الي رح يقود الاردن للتطور شكرا بكل معاني الشكر لكل حدا شارك ساهم نظم تطوع دائما وابدا رح تظل مبادرة علماء الغد المكان الي بيجمعنا وشكر خاص لسفارة إيرلندا ولكل من Marianne Bolger Arwa Mufleh Moataz Azar Ismael Al-Hinti Mohammad Tahboub Manar Issam Abdullah