Post by Adham Mahmoud

مكالمة واحدة من سنين كانت سبب إني أستقر على تخصصي في التسويق لحد النهارده. بداية رحلتي كانت في المجال الإبداعي… من تصوير المنتجات، للتصميم، ثم المونتاج. وبرغم حبي وشغفي تجاه الـ Creative Industry قررت أتعلم مجال قريب من تخصصي الجامعي MIS وأشتغل فيه، رغم إني ولله الحمد كنت متميز في المجال الإبداعي. وقتها بدأت أدور على مجال أقدر أدمج فيه مهاراتي واهتماماتي،خصوصًا إني كنت شخص جوكر أو زي ما بيتقال: One Man Crew. بعد بحث وتجربة، لقيت إن التسويق هو أنسب مجال ليا، أقدر أدمج فيه بين شهادتي واحتياجات سوق العمل. دخلت في رحلة تعلم كبيرة… كورسات كتير جدًا من منصات مختلفة: جوجل، ميتا، كورسيرا، يوديمي، يوتيوب… إلخ. والقريب مني عارف إني بحب العلم، وبسعى للتطوير بشكل يومي. لكن رغم كل ده… حسيت إني لسه ماوصلتش للتخصص المناسب جوا التسويق الرقمي، وقعدت أتنقل بين مجالاته سنة ورا سنة. لحد ما قررت أكلم م.Ahmed Ismail وأستشيره في كل اللي في دماغي. وقتها كانت معرفتي بيه بسيطة جدًا، ومفيش بينا أي تعامل مهني قبل كده… لكن من أول مكالمة حسيت إننا نعرف بعض من سنين. لأنه ببساطة: مستمع جيد… وبيحب ينشر العلم بصدق. قعد معايا أكتر من ساعة، ورد على كل أسئلتي واحدة واحدة، لحد ما خرجت من المكالمة وأنا مستقر ومقتنع بالتخصص اللي اخترته،ومن غير أي تشتت. ورغم كل الكورسات اللي خدتها، إلا إن دبلومة Hello Digital كانت مميزة وممتعة جدًا… لأنك بتشوف الديجيتال ماركتنج من منظور أوسع وأشمل، وكمان بتكون وسط كوميونتي من المبدعين اللي شبهك. وعلشان كدا بشوف إن دبلومة هالو ديجتال، هي بوابة عبور لأي حد حابب يدخل المجال بشكل صح، لأنك بتأسسك صح وتخليك فاهم أنت رايح فين. وأنا كتبت الكلام ده تصديقًا لقول النبي ﷺ: “من لا يشكر الناس لا يشكر الله.” شكرًا جدًا يا هندسة 🤍… لأن الفضل لله ثم ليك في توجيه شباب كتير، ودمت داعم حقيقي، لجيل بيحاول يفهم ويتعلم ويبدع. — #هنا_أدهم_بيشرح | #MediaBuying | #MarketingThinking | #DigitalMarketing #From_Strategy_to_Sale