Post by Youssef Salah

الحمد لله 🤍 ودلوقتي وصلنا للجزء التاني من الـ post الخاص بمشروع التخرج ✨، ومش مهتم بالرسميات خالص، الهدف إني أسجل ذكرى حلوة وأشكر ناس تستحق الشكر على مجهودهم طول الرحلة 🤍، فمعلش لو الـ post طويل شوية 😅، أما التفاصيل الرسمية والإنجليزي ف ده هيكون post تاني إن شاء الله 😅🤍 بعد سنة كاملة من الشغل والتعب والسهر والتحديات، قدرنا نخلص مشروع التخرج ونناقشه بنجاح والحمد لله كانت النتيجة امتياز ✨، وأهم حاجة خرجت بيها مش النتيجة، لكن الناس اللي اشتغلت معاهم، ولو في حاجة واحدة أقدر أقولها فهي إني أرشح كل فرد في التيم ده بثقة لأي مكان، لأن اللي شوفته منهم كان أكبر بكتير من مجرد مشروع تخرج 🤍 بالنسبة لتيم الـ AI، المهندس Youssef Hassan والمهندس Youssef Abdelkhalek، كان عليهم حمل كبير جدًا خلال السنة، خصوصًا في جزء الـ Hardware اللي كلنا تقريبًا بدأناه بخبرة محدودة، باشمهندس Youssef Hassan كنت شايف حجم المجهود اللي كان بيبذله دا غير السهر عشان المشروع يخرج بأفضل صورة، وباشمهندس Youssef Abdelkhalek رغم الضغوط الكتير اللي كانت عليه داخل الكلية وخارجها، كان محافظ على مستوى عالي جدًا من الالتزام والتنظيم، أتمنى تكونوا فخورين بنفسكم يا شباب🤍✨ وبالنسبة لتيم الـ Backend، المهندسة Aisha Nagah والمهندس Youssef Halawa، التيم اللي أنا مستعد أرشحهم للشغل في أي مكان بكل ثقة، ويمكن لأول مرة أقول حاجة هم نفسهم ميعرفوهاش، كان فيه ناس من خارج التيم متحدياني إن شغل الـ Backend بالحجم ده مستحيل يخلص بالجودة المطلوبة وفي الوقت المطلوب، وده مش شك في قدراتهم إطلاقًا، لكن لأن الوقت كان ضيق جدًا وسط مشاريع الكلية وضغط المواد، لكن الحمد لله بفضل ربنا ثم شغل وثقة الباشمهندسة Aisha Nagah اللي كانت دايمًا بتقوم بدورها على أكمل وجه رغم الضغوطات، ومجهود الباشمهندس Youssef Halawa اللي كان شايل تنظيم الشغل، وحاضر في التفاصيل كلها، قدروا يثبتوا إنهم قد التحدي فعلًا، والأجمل إنهم كسبوني التحدي من غير ما يعرفوا 😅، بجد شرفتوني، والحمد لله قدرتوا تحققوا حاجة ناس كتير كانت شايفاها صعبة جدًا، ربنا يحفظكم ويوفقكم يا رب 🤍✨ ونيجي للتراك اللي كنت جزء منه، مع المهندس Mohamed Yasser والمهندس Yassin Mekky، الحقيقة إن باشمهندس Mohamed Yasser كان سابقني في التراك، وخلال فترة المشروع ساعدني جدًا واتعلمت منه حاجات كتير في Flutter، ,وباشمهندس Yassin Mekky فرغم التحديات اللي قابلته خلال السنة، قدر يتعامل معاها ويوصل لنتيجة قوية ويحافظ على جودة الشغل، أتمنى أشوفكم دايمًا في أحسن الأماكن بإذن الله 🤍✨ بعد تجربة مشروع التخرج، والمسابقات، والجوائز، والشهادات التقديرية اللي حصلنا عليها، أقدر أقول بكل صدق إن ده أفضل تيم اشتغلت معاه، ورغم العقبات والضغط خلال السنة، إلا إن أكتر حاجة فخور بيها إننا قدرنا نتعامل مع كل ده من داخل التيم نفسه من غير أي تدخل خارجي، والحمد لله بفضل ربنا ثم بمجهودكم قدرنا نوصل للتميز ده، وفي الآخر وأنا شايف الرحلة دي عن قرب مع كل واحد فيكم، فبجد أنا فخور بيكم جدًا، لأن اللي بيشوف النتيجة النهائية فقط، مش هيقدر يشوف حجم المجهود اللي وراها، وأنا واثق إن كل واحد فيكم لسه قدامه حاجات أكبر وأفضل بكتير يحققها بإذن الله ✨ المهندس Youssef Hassan المهندس Youssef Abdelkhalek المهندسة Aisha Nagah المهندس Youssef Halawa المهندس Mohamed Yasser المهندس Yassin Mekky إلى رفقاء هذه الرحلة، شكرًا لكل تعبٍ ودعمٍ وذكرى جميلة صنعتم بها هذا الطريق🤍 كنتم خيرَ سند، وبكم كان الطريق أجمل وأخف دائمًا✨