Post by Abeer Hadhoud

صباح الخير ✨ في مفهوم مشهور في إدارة الوقت اسمه قانون باركنسون | Parkinson's Law | القانون ده بيقول: "كل ما تزود الوقت المتاح للمهمة... المهمة هتتمدد علشان تملأ الوقت ده." يعني لو قلت: هشتغل على المهمة دي لمدة 3 ساعات. غالبًا هتبدأ عادى وبعد شوية تمسك الموبايل، أوتقوم تعمل حاجة أو ترد على إتصال وترجع تكمل وتسرح شوية... وبعدين ترجع تركز. وفي النهاية، هتكون قضيت 3 ساعات فعلًا. لكن لو حسبت وقت العمل الحقيقي... ممكن تلاقيه ساعة واحدة بس. وده بيفسر ليه لما يبقى عندك Deadline بتقدر تخلص المهمة في آخر لحظة لأن الوقت بقى محدود ؛ فمخك بيقلل التسويف، ويركز على المهم، ويستغل كل دقيقة. عشان كده، متسيبش أي مهمة بوقت مفتوح. حدد لها وقتًا واضحًا ومحدودًا. هتتفاجئ إنك أنجزت في 30 دقيقة... أكتر مما كنت بتنجزه في ساعتين.