Post by Abdulrahman Mustafa

من الحاجات اللي غيرت طريقة تفكيري في الشغل إن الـ Code Review مش معمول علشان يطلع أخطائك. في الأول كنت بستغرب لما أعمل Feature وأبذل فيها مجهود كبير، وبعدها ألاقي عليها كمية Comments. كنت بحس إن فيه مشكلة في شغلي. بس مع الوقت فهمت إن الموضوع مش كده خالص. الـ Code Review مش اختبار، هو جزء من عملية بناء الـ Software نفسه. فيه حاجات كتير بقيت أركز عليها قبل ما أعمل أي PR. مش بس هل الكود شغال ولا لأ. بقيت أسأل نفسي: - لو حد دخل يعدل الكود بعد شهر، هيفهمه بسهولة؟ - هل أنا غطيت كل الـ Edge Cases؟ - هل فيه تكرار ممكن أشيله؟ - هل فيه طريقة أبسط أكتب بيها نفس الحاجة؟ - هل المستخدم ممكن يعمل حاجة أنا مفكرتش فيها؟ الغريب إن أغلب الملاحظات اللي كنت باخدها مكانتش Bugs أصلاً. كانت تفاصيل صغيرة. بس التفاصيل الصغيرة دي هي اللي بتفرق جدًا لما المشروع يكبر. وأعتقد دي من أكتر الحاجات اللي اتعلمتها مؤخرًا: إن كتابة الكود جزء صغير من الشغل. لكن كتابة كود سهل يتقري، سهل يتعدل، وسهل أي حد يشتغل عليه بعدك... ده جزء تاني خالص. ومن ساعتها بقيت أبص على الـ Code Reviews بطريقة مختلفة. مش كـ Feedback على شغلي. لكن كفرصة إني أتعلم طريقة تفكير جديدة كل مرة. #Frontend #Nextjs #React #TypeScript #CodeReview #SoftwareEngineering #WebDevelopment