Post by Abdelrahmen Elashry

بجد والله؟ السنه اللي فاتت قدمت في SIC بعد تعلمي لمجال الData Analysis وحبي الشديد اني اكمل في الAI ولكن في الامتحان لقيت ان اسأله الOOP كانت بالبايثون وانا كنت مذاكرها بالC++ فقولت أن غالبا حليت كام سؤال غلط وده اللي خلاني اترفض وقتها واستعوضت ربنا وقولت عادي انا اللي غلطان ومجهزتش كويس ولكن لما أدخل الإمتحان السنه دي مجهز وجايب 24 من 25 والاقي ايميل الرفض أنا كده غلطان؟ قولت ممكن Overqualified بالرغم من أن الامتحان كان تافه اوي مقارنه بالسنه اللي فاتت واي حد يقفله ولكن يعم ماشي هنقول Overqualified صحابي اللي جايبين 18 و 19 و 16 مرفوضين ليه؟؟؟؟ يعني انا وسفيان صاحبي نجيب 24 نترفض واللي جاب فوق النص بشويه يترفض برضو امال مين اللي المفروض يتقبل.. اللي جايب صفر مثلا؟؟؟ The Last year SIC betrayed me when I needed it the most. لكن السنه دي للأمانه أغلب المحتوى عدى عليا وبشرحه لناس اصلا في شركات وتيمات بس كنت داخل عشان أدخل منحه مع صحابي اللي بعزهم زي سفيان وأحمد هاني واكون علاقات واشتغل على مشاريع وادخل مسابقات واثبت نفسي ولكن أتفاجئ ان ناس كتير بتقدم بال3 وال4 سنين ويترفضو وهم مش عارفين ليه وهما ناس من أعتل واتقل الناس في الساحه وعندهم شغف في المجال يهد جبال تقدر تقولي انت كشركه هتكون مبسوط لما ترفض ناس زي دي عشان الqualification process عندك تعبانه جرب تخش مع واحد زي Sofyan Kirat ولا Ahmed Hany ولا Marwan Abdelghaffar انترفيو قبل متمتحنهم ولو مخلوش شكلك عره بسبب أنهم بيجابو عليك بشكل أحسن من سينيورز في المجال مبقاش أنا دول وناس كتير زيهم أقسم بالله عندهم شغف للعلم والتعلم يهد جبال ترفضهم على اساس ايه هتقولي السنه دي قدم كتير جداً في المنحه هقولك جميل بس شوف الناس اللي دخلت السنين اللي فاتت ومكانتش بتحضر اصلا بعد أول كام سيشن مين فيهم كان اولى يخش المنحه دي وعلى اساس ايه رفضت دول وقبلت ناس تانيه أنا شخصياً مش مدايق وعارف أن بإذن الله ربنا هيرزقني غيرها وأحسن وانا عارف اغلب المحتوى اللي هيتشرح اصلا ولكن ليه ترفض ناس بالشكل ده وشركه زي سامسونج وlife makers foundation مش عارفه تذكر سبب يقنع الشخص انه اترفض.. بجد؟؟؟ بجد الشركه دي اتحطت في البلاك ليست بالنسبالي جمب INSTANT و VOIS.. مشوفتش أي تقدير خالص للCandidate بالشكل ده وخلي الإمتحان ينفعك بقا Samsung, You wanted a war?? Guess what.. you will get it.