Post by Abdelrahman Sabry

في 9/2024 شفت بوست تطوع "شباب بتساعد شباب"، وكان فاضل ساعات قليلة على الديدلاين. قررت أقدم بشكل سريع ومن غير ما أكون فاهم كل حاجة عن التيم، وقدمت في لجنة ال Creativeرغم إن مكنتش عندي خبرة فيها. وقتها اتقبلتش ومحدش تواصل معايا للانترفيو. بعد فترة، عرفت حد من التيم وبالذات من لجنة الـ Moderation، وبدأنا نشتغل سوا على نشر ماسدجات عن المسابقات والمنح لمساعدة الشباب يوصلوا لفرص أفضل. مع الوقت، واحدة من الهيد (فاطمة) شافت الشغل وشكرتني وقالت إن المحتوى كويس وبيستخدموه في التيم. وساعتها سألتها عن فرصة للانضمام، وقالتلي لو فيه فرصة هتتواصل معايا. في 4/4/2025 جالي خبر إن فيه فرصة، ودخلت الانترفيو في نفس اليوم. كان انترفيو مختلف ومش متوقع، وكنت قبلها بذاكر عن التيم أكتر، لكن مكنتش متأكد من النتيجة. في 7/4/2025 اتقبلت وبقيت جزء من فريق "شباب بتساعد شباب" في لجنة الـ Moderation. من اللحظة دي قررت إني أشتغل بنية إني أساعد الناس، حتى لو بحاجة بسيطة، وأكون سبب إن حد يوصل لهدفه. أجمل شعور فعلًا إنك تلاقي حد بيبعتلك بعد فترة ويقولك إنك كنت سبب في تغيير إيجابي في حياته. بعدها شاركنا في أوتنج الكومتي، وكانت من أجمل اللحظات اللي ختمت سيزون 5 بشكل مميز. ومع الوقت بقيت Leader في لجنة الـ Community Builders (الـ Moderation سابقًا)، وهدفي دلوقتي إني أسيب أثر، وأخلي الناس اللي في الكومتي يكملوا المسيرة بعدي، زي ما أنا كملت بعد الليدرز اللي قبلي. النهارده، وأنا مكمل سنة في "شباب بتساعد شباب"، حابب أشكر كل حد كان سبب في الرحلة دي: الهيد اللي شافني من البداية وفتحلي الباب Fatma Gamal والكوليدرز برضه اللي غيروا فيا كتير Shahd Saad Mohammad Elmenoufy ، والفاوندر اللي بدأ الفكرة من 9/2020 وفضل مكمل فيها لحد ما بقت مجتمع مؤثر ومثمر بجد. Mohsen El Sayed دخولك في "شباب بتساعد شباب" مش مجرد تطوع… ده بيغيرك فعلًا، وبيخليك جزء من عيلة فعلا. تقدر تتابع فرص ومحتوى "شباب بتساعد شباب" من هنا: https://lnkd.in/dcVgbMgB ولو عندك أي سؤال تقدر تسأله هنا: https://lnkd.in/dNcx9unH #شباب_بتساعد_شباب #Volunteering #YouthEmpowerment #CommunityImpact