Post by Abdallah Omran
Business Automation Specialist (n8n&AI) | Helping Founders Save Time with Low-Code Solutions | AI prompt engineering | Medical Student @BSNU
العقلية أهم من الأداة.. العقلية اللي بتبنيها هي اللي بتكمل معاك 🚀 من حوالي سنتين أو تلاتة بدأت رحلتي مع البرمجة، بدأت بـ Python لأن كنت وقتها حابب الـ (Automation) ووقتها كانت هي المشهورة ف الحتة دي، بس مكنتش بلاقي ليها نتيجة ملموسة أقدر أستفيد منها، وبعدها Front-End مع المهندس Osama Elzero (واللي اتعلمت حاجات كتير منه: أساسيات التفكير المنطقي وتنظيم سير العمل) وكنت خلصت HTML ،CSS، بس دايماً كان ناقصني حاجة…. كنت حابب مجال الـ (Automation) أكتر، تقليل شغل الإيد وتوفير الوقت، وأن حاجة تعمل مكانك شغلك. لحد ما عرفت مجال الـ Automation وتحديداً n8n ، عرفتهم من المهندس أحمد أبوزيد و المهندس Ghareeb Elshaikh وقد إيه هو مهم إنك تتعلمه، وبعدها بحثت وبدأت كورس المهندس Karim Nabil . في ١٠ أيام بس (منهم ٤ أيام إجازة فصلت فيهم!)، قدرت أخلص جزء كبير من الكورس وأطبق عملياً على مشروع المطعم. اكتشفت إن الموضوع مش محتاج أدوات معقدة ولغات برمجة كتير، على قد ما هو "عقلية حل مشكلات"، تفكير منطقي، وقدرة على ربط المعلومات ببعضها عشان تطلع حل لمشكلة حقيقية. ليه حبيت الأتمتة بالشكل ده؟ • لأنك بتشوف النتيجة قدامك فوراً. •لأنك بتوفر وقت الأعمال الروتينية للإبداع. • لأنك بتسخر التكنولوجيا والـ AI عشان يكونوا مساعدين ليك، مش العكس. المهم إنك أنت "العقل" اللي بيفكر، والأداة هي المساعد. نصيحتي لأي حد بيبدأ: اتعلم وخليك مرن وصبور. أنا بدأت كطالب طب شايل هم الكليه، وكنت بتعلم برمجة، والنهاردة بدمج التكنولوجيا مع دراستي وبطبق ده في تأسيس مشروعي "فيدا" (المتخصص بتقديم حلول مبتكرة للطلاب المصريين والوطن العربي). العقلية اللي بتبنيها هي اللي بتكمل معاك، مهما تغيرت الأداة. شكراً للمهندس كريم نبيل على الشرح المبسط والكورس الرائع، وللمهندس أسامة الزيرو على تأسيس العقلية اللي سهلت الطريق فيما بعد. وبسم الله نبدأ مرحلة الـ AI agent! 💪 في الصورة اللي تحت، ده أول Workflow كامل عملته.. السيستم ده نموذج لسيستم متكامل لمطعم (Customized System) بيحل مشاكل حقيقية، مش مجرد تطبيق ورا الشرح. وفي المرحلة الجاية هطوره بـ AI Agents عشان يكون أكثر ذكاءً في التعامل مع الطلبات المعقدة. يوم الثلاثاء إن شاء الله هنزل بوست أشرح فيه بالتفصيل السيستم، وإزاي بيحول عملية روتينية لسيستم شغال لوحده! ⏳👇 #Automation #n8n #BusinessAutomation #LowCode #Efficiency #Veda #BuildingInPublic
