Post by Abdallah Al-Driny

فيه نمط متكرر على لينكد إن: المؤسس الهش (The Fragile Founder). النهارده، السيد محمد أبو النجا أخد سكرين شوت لتعليق مهني من الزميل Mohamed Essam Abu Emira عشان يعمل عليه (مسرح) بلغة استعراض عضلات وهمية، ويدعي إن دي قواعد الـ New Media ومبدأ "اللي يخبط فيا هخبط فيه". من شهر تقريبا كان ليا مواجهة مهنية علنية مع السيد محمد حول أزمة التمويل الاستهلاكي. وقتها، لما حطيت قدامه أرقام تسعير المخاطر في مواجهة (الشعبوية المالية) اللي كان بيسوقها، انتهى الأمر بحذف البوست تماماً للهروب من الفضيحة المهنية. وقتها، أنا احترمت وزني ك CFO ومأخدتش سكرين شوت لتعليقاته. النهارده، بمجرد ما دخلت وكتبت تعليق يذكره بحدوده المهنية وبقواعد القيادة، النتيجة كانت الفزع المعتاد: اختفاء البوست (سواء بالحذف أو بالحظر). حذف البوست هروب تكتيكي، لكنه بيكشف كارثة على مستوى البيزنس. المفارقة هنا إن السيد محمد بيقدم نفسه للسوق حالياً ك Executive Chairman ومستشار صفقات اندماج واستحواذ (M&A) وتخارج. السؤال لأي مجلس إدارة: إزاي هتأتمن مستشار على صفقة استحواذ بملايين وتفاوض شديد التعقيد، وهو الإيجو بتاعه أضعف من إنه يستحمل كومنت مخالف على لينكد إن؟ الادعاء بإن دي ميديا جديدة هو تشويه لبيئة الأعمال. دي بلطجة رقمية بتغطي على هشاشة إدارية (Leadership Insecurity). القيادة مش خناقة شوارع. اللي مبيعرفش يدير أعصابه في كومنت، بيصطدم بالحيطة في أول اختبار سيولة وتفاوض حقيقي. احتفظوا بمسارحكم وتصفية حساباتكم النفسية بعيد عن الشاشات المهنية.